الجمعة، 8 يونيو 2012

اسهل طريقةلأنجاز معاملة الزواج من استرالية حتى استخراج الفيزا من مغترب مصري

أولآ السفارة ( خطاب عدم ممانعة من الزواج )

  • هتدفع رسوم 990 جنيه

  • تاخد معاك أصل و صوره باسبورها وأصل وصوره بطاقتك

  • في خلال 72 ساعة بتروح تاني تاخدها من السفارة تكون خلصت

  • بعد كدا تروح تختمها من إي مكتب تابع لوزارة الخارجية



ثانيا : ( المجمع )

  • تروح مجمع التحرير الدور الأول تدخل تعملها فيزا إقامة تتختم في الباسبور بتعها لمده 6 شهور

  • وتجيب طابع أسره ب 50 جنيه من أي مكتب بريد ( في جوا المجمع مكتب بريد لو حابب تختصر مشاويرك يعني )



ثالثا : ( وزاره العدل )

  • تجيب 5 صور ليك و5 ليها وتاخدهم وتروح وزاره العدل الدور الرابع مكتب زواج الآجانب

  • لو روحت وناقصك حاجه من التلاته دول مش هيدخلك لحد ما تجيب ال 3 طلبات دول

    • عدم الممنعه

    • طابع الآسرة

    • الآقامة

  • متنساش تصور البطاقه بتعتك وبتاعت الشهود وباسبورها

  • هتاخد القسيمة بعد 7 أيام نسختين

  • و لو حبيت تطلع عليها كمبيوتر من السجل المدني يعني بستني عليها 3 شهور

*مبـــــروك كدا تم الجواز *



رابعا : ( مكتب الترجمة )


  • تروح تترجم وثيقه الزواج


  • متنساش تاخد معاك صوره باسبورها وباسبورك ( عشان يخدوا الآسماء والآرقام من عليهم صح عشان ميكتبوش هما حروف ولا أرقام غلط يعني )

  • هتاخدها بعد ثلاث ايام هتكلفك حوالي 50 جنيه , لو عايزها مستعجله تاخدها في نفس اليوم بليل بتدفع 100 جنيه

خامسا : ( السفاره )


  • تروح توثق الزواج في السفاره ويكون معاك نسخه عربي ونسخه انجليزي


  • هندفع 80 جنيه رسوم توثيق القسيمة



مرحلة الفيزا


* مطلوب منك الطلبات دي :-



1. 1700 $ استرالي تاخدهم معاك بالمصري أو بالأسترالي ( الفلوس قبل أي كلام )


2. 47SP Application تحملها من الرابط دا

http://www.immi.gov.au/allforms/pdf/47sp.pdf 

3. Form 80 تحملها من الرابط دا

http://www.immi.gov.au/allforms/pdf/80.pdf 


4. 40SP Application

http://www.immi.gov.au/allforms/pdf/40sp.pdf 



5. ( 47و 80 ) دول يخصوك انت ( 40 ) دا يخص زوجتك مطلوب منك تملاهم قبل ما تروح السفاره تكون واخدهم معاك

6. أصل وصوره باسبورك وباسبورها كامل بأختام السفر القديم إن وجد لمده 10 سنوات ماضيه أي ختم تصوره

7. ( 8 ) صور ليك ( 1 ) صوره لزوجتك

8. شهادة ميلادك وترجمتها وتصوير كل من الأصل والترجمه

9. صوره قسيمة الزواج وترجمتها وتصوير كل من الأصل والترجمه

10. فيش وتشبيه وترجمتة

11. شهاده الجيش وترجمتها وتصويرها

12. tax return من الزوجه اذا كانت تعمل إي وظيفه في اخر سنتين من لحظه دخولك لتقديم طلب الفيزا


13. تروح أي يوم من 9 لـ 10.30 عدا العطلات وتقدم الفلوس والورق دا .




ملحوظة :-



* لا يوجد اختبار للغة الانجليزية


* الفيزا بتاخد وقت من 4 إلي 6 شهور حتى يتم صدور الفيزا




*من شروط الزواج :-



- فوق 18 سنه


- لو كانت متجوزه قبل كدا بتجيب ورقه من بلدها قبل ما تيجي تثبت الطلاق توديها السفاره وانت رايح تعمل عدم ممنعه

- لو كنت انت متجوز قبل كدا بتجيب ورقه الطلاق توديها السفاره وانت رايح تعمل عدم ممنعه


- ممنوع جمع بين أكثر من زوجه واحده لا قبل الزواج ولا بعده ومخالفه النقطه دي بتعتبر كارثه عندهم




سادسآ : ( مرحله ما بعد تقديم الفيزا )



بعد ما تقدم الورق والفلوس هيدوك شويه جوابات

  1. جواب للضامن : ( ودا في حاله لو زوجتك مرتبها اقل من 40.000 $ في السنه تجيب اي مواطن استرالي تاني ومن شروط الضامن أن يكون استرالي الجنسيه او معاه اقامه دائمه وميكونش ضامن حد غيرك ويجب تاكس ريترن يثبت انه اخر سنتين كان شغال ومرتبه يجاوز الرقم الي هيطلب منك ) * الخطاب دا هتبعته للضامن بال DHL بمعرفتك انت ولزم يجلهم رد في خلال 28 يوم من استلامك الخطاب .. والرد بيكون عباره عن ان الضامن بيروح للسنتر لينك بالتاكس ريتيرن بتاعه بعد ما بيكون حجز معاد بالتليفون طبعآ ويمضي هناك انه ضامنك لفتره سنتين .. ولما يروح هناك يشرحوله انه مسؤل عنك لو طلبت فلوس من الحكومه خلال السنتين دول ...... (( ملحوظه غريبه !! :- انت بتمضي اصلا في الابلكيشن انك مش هتاخد فلوس !!.. دا غير ان مراتك بتمضي بكدا !!.. تقولي ايه لزمه الضامن بقا اقولك .... لا تعليق !! ) .

  2. جواب للمستشفي : هتاخد خطاب موجه للمستشفي مباشره مقفول يعني ممنوع تفتحه الي يفتحه فقط هو الدكتور الي في المستشفي هيرعف هيعرف سعتها ايه المطلوب منه عشان يكشفه عليك الحوار دا هيتكلف 400 جنيه تقريبآ وبيتم في خلال مستشفيات مكتوب عنونها علي الخطاب واحده في شارع الجولف بالمعادي وواحده اسمها المستفي الآمريكي الآتنين اغلي من بعض وعليك ان تختار بينهم بمعرفتك .. والكشف بيبقا عباره عن ( وزن وطول - بطنا وطغط دم - تحليل دم - تحليل بول ) .. بعد ما تخلص مش هتاخد جواب بردوا زيه زي الضامن هيتبعت الرد لوحده للسفاره عن طريق المستفي .

  3. بعد ما الحجات دي تخلص هيتصوا بيك لتحديد موعد للانتر فيوا تقريبآ بعد ما تخلص طلبتهم دي بحوالي اسبوعين .

سابعا : ( الآنتر فيوا )

  • بعد اخذ موعد للانتر فيوا ..لو بتعرف انجليزي كويس اوي روح لوحدك لو مبتعرفيش كويس خد مترجم ودا بيكون عن طريق السفاره تقولهم وهما هيدوك عنوان ونمر المترجمين المعتمدين .. وطبعآ دا افضل عشان لو حرف فهمته غلط ممكن تلاقي نفسك جاوبت سؤال غلط بدون ما تاخد بالك.
  • الآنتر فيوا بيبقا عباره اساله عن حياتك الشخصيه وحيات مراتك الشخصيه ايضآ ( بتحب ايه مبتحبيش ايه - الوان حجات تملكها - تفاصيل شقتها - تفاصيل كتير دقيقه اوي - مراحل تعلمها - سبب سفرك - سبب عدم نزولها مصر تعيش هنا يعني - شويه تفاصيل بردوا عن الضامن - تفاصيل عن علتك - تفاصيل عن علتها كلها - تفاصيل عن العلاقه بدأت ازاي ومشيت ازاي لحد الجواز - تفاصيل عن شغلك - شغل علتك - شغل مراتك - شغل علتها - اساله عن اماكن في استراليا - اساله عن الحريه وانت ازاي هتتأقلم مع اسلوب الحريه دي - واساله كتير ممكن تكون انت شايفها تافه بس هيا مهما عندهم اوي - وكل مره بييضفوا شويه اساله جديد عشان لو في حد زي انا كدا قايلك علي الي هيحصل عشان تتفاجئ شويه بردوا ..
  • المهم تبعد في كل ردودك عن السياسه والدين نهائيآ !!
  • مهم اوي انك تاخد معاك صور او فديوا ليكوا كتير وصور علتك وعلتها مع بعض وفواتير موبيلها ومبيلك وايملات بنكوا .. اي حاجه تثبت مدي العلاقه
  • حاول تكون مبتسم مش كأيب وحاول ترملها اي كلام انجليزي في النص لو قدرت حتي لو كلام بسيط اوي .
 
منقول جزء من النص من موقع ديفيدي العرب

هناك 4 تعليقات:

  1. طيب لو هى اللى هتبعتلى من هناك فيزا عشان اسافرلها وبعد كدة يتم الزواج هناك اى المطلوب فى الحالة ديه وايه الشروط وماهى المدة اللى هناخدها فى انتظار الفيزا عشان نستلمها
    وارجو لو فى اى معلومة ممكن حضرتك تفيدنى بيها ياريت حضرتك تتكرم وتعرفنى بيها
    والف الف شكر لحضرتك

    ردحذف
  2. يانهار ازرق على المشواير والاجراءات

    ردحذف
  3. انا اريد اتزوج من بنت عربيه مسلمه وحتجي تاخدني من الاردن الى استراليا كم هاذهي الاجرائات تتأخر افيدوني جزاكم الله خير

    ردحذف
  4. افيدوني افادكم الله برزق الواسع انا اريد ازواج من بنت عربيه وهيه حتجي تاخدني على استراليا كم يتطلب الامر من الوقت ارجو الرد من لديه معلومات

    ردحذف